ຄະນະໂຄສະນາອົບຮົມແຂວງ ປະເມີນພະນັກງານ-ລັດຖະກອນ ປະຈຳປີ 2023

ລາຍລະອຽດ: ສ້າງຂື້ນເມື່ອ ວັນອັງຄານ, 31 ຕຸລາ 2023 08:06; ຂຽນໂດຍ ຈັນມະນີ ສອນວີຈັນ

ຄະນະໂຄສະນາອົບຮົມແຂວງ ປະເມີນພະນັກງານ-ລັດຖະກອນ ປະຈຳປີ 2023

ເພື່ອປະຕິບັດຕາມແຈ້ງການ ຂອງພະແນກພາຍໃນແຂວງ ສະບັບເລກທີ 42/ພນຂ.ຜລ, ລົງວັນທີ 26 ກັນຍາ 2023 ວ່າດ້ວຍການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ ປະຈຳປີ 2023.

ໃນຕອນເຊົ້າຂອງວັນທີ 31 ຕຸລາ 2023 ຜ່ານມານີ້ ຄະນະໂຄສະນາອົບຮົມແຂວງ ໄດ້ຈັດໃຫ້ມີກອງປະຊຸມປະເມີນພະນັກງານ ປະຈຳປີ 2023 ຂຶ້ນຢ່າງເປັນທາງການ ນະທີ່ຫ້ອງປະຊຸມຂອງຄະນະໂຄສະນາອົບຮົມແຂວງ. ໂດຍການເປັນປະທານຂອງ ສະຫາຍ ນ.ຈັນມະນີ ນາມວົງ ກຳ ມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ພອ້ມດວ້ຍພະນັກງານ-ລັດຖະກອນພາຍໃນ ຄະນະໂຄສະນາອົບຮົມແຂວງເຂົ້າຮ່ວມທັງໜົດ 15 ສະຫາຍ, ຍິງ 9 ສະຫາຍ.

ການປະເມີນຜົນຄັ້ງນີ້ ກໍເພື່ອຕີລາຄາຜົນງານດ້ານດີ ແລະ ອ່ອນຂໍ້ຄົງຂ້າງຂອງແຕ່ລະສະຫາຍຕະຫຼອດໄລຍະ 1 ປີຜ່ານມາ ມີການຕຳນິຕິຊົມເຊິ່ງກັນ ແລະ ກັນດ້ວຍຄວາມຈິງໃຈ ເພື່ອພ້ອມກັນກ້າວໜ້າ ແລະ ມີຄວາມເປັນເອກະພາບກັນໃນການປະຕິບັດການປະເມີນຂອງພະນັກງານ-ລັດຖະອນຕາມຂັ້ນຕອນ ແລະ ລະບຽບການບົນພື້ນຖານຕາມ 4 ຫຼັກການ ປະຈຳປີ 2023 ເອົາໃຈໃສ່ປະຕິບັດວຽກງານຕາມແຕ່ລະໄລຍະທີ່ຂັ້ນເທິງ ກໍຄື ຂອງພະແນກການຂັ້ນຕົນວາງອອກໃຫ້ໄດ້ຮັບຜົນດີກວ່າເກົ່າ ຜ່ານການປະເມີນພະນັກງານ-ລັດຖະກອນ ປະຈຳປີ 2023 ຂອງຄະນະໂຄສະນາອົບ ຮົມແຂວງໃນຄັ້ງນີ້, ໃຫ້ບັນດາສະຫາຍພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງ ຕີຄະແນນໃສ່ໃບປະເມີນຜົນຂອງຕົນເອງຕາມແຕ່ລະມາດຖານ.

ໃນຕອນທ້າຍ ສະຫາຍ ນ.ຈັນມະນີ ນາມວົງ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ, ຍັງໄດ້ໂອ້ລົມຕໍ່ພະນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງ ກ່ອນອື່ນທ່ານສະແດງຄວາມຍ້ອງຍໍຊົມເຊີຍຕໍ່ຜົນງານຂອງພະນັກງານ-ລັດຖະກອນ ໄລຍະ 1 ປີ ຜ່ານມາ ເຊິ່ງທ່ານໄດ້ເນັ້ນໜັກເຖິງການຈັດຕັ້ງປະຕິບັດລະບຽບກົດໝາຍ ວ່າດວ້ຍພະນັກງານ-ລັດຖະກອນ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານພະນັກງານ-ລັດໃຫ້ດີກ່ວາເກົ່າ ແລະ ທ່ານໄດ້ຮຽກຮ້ອງໃຫ້ພະນັກງານ-ລັດຖະກອນແຕ່ລະສະຫາຍຈົ່ງຕັ້ງໜ້າປະຕິບັດໜ້າທີ່ການເມືອງ-ແນວຄິດຂອງພັກໃນໄລຍະໃໝ່ນີ້, ເປັນເສນາທິການໃຫ້ແກ່ຄະນະພັກຂັ້ນເທິງ, ຮູ້ເຄື່ອນໄຫວປຸກລະດົມຂົນຂວາຍສະພາບການທີ່ພົ້ນເດັ່ນກໍ່ຄືສະພາບການຫຍໍ້ທໍ້ຕ່າງໆ ທີ່ເກີດຂຶ້ນໃນສັງຄົມເພື່ອເຮັດໃຫ້ບ້ານເມືອງມີຄວາມສະຫງົບ.