ກອງປະຊຸມໃຫຍ່ສະມາຊິກພັກ ຄັ້ງທີ VII ຂອງໜ່ວຍພັກຄະນະໂຄສະນາອົບຮົມແຂວງ ຜົ້ງສາລີ

ສ້າງຂື້ນເມື່ອ ວັນອັງຄານ, 04 ສິງຫາ 2020 04:06
ຂຽນໂດຍ Bounsouly Loma

ຂ່າວ:

ກອງປະຊຸມໃຫຍ່ສະມາຊິກພັກ ຄັ້ງທີ VII  ຂອງໜ່ວຍພັກ ຄະນະໂຄສະນາອົບຮົມແຂວງ ຜົ້ງສາລີ.

         ຕອນ​ບ່າຍ​ຂອງວັນ​ທີ 29 ກໍ​ລະ​ກົດ 2020 ນີ້: ໜ່ວຍພັກຄະນະໂຄສະນາອົບຮົມແຂວງ ຜົ້ງສາລີ ໄດ້ຈັດກອງປະຊຸມໃຫຍ່ສະມາຊິກພັກ

ຄັ້ງທີ VII ຂອງຕົນຂຶ້ນຢ່າງເປັນທາງການ ນະທີ່ຫ້ອງປະຊຸມຊັ້ນ 5 ຂອງຫ້ອງວາ່ການແຂວງ ໂດຍໃຫ້ກຽດເຂົ້າຮ່ວມຂອງສະຫາຍ ບົວທອງ ອຸແສງຄຳ ຮອງເລຂາພັກແຂວງ ປະທານສະພາປະຊາຊົນແຂວງ, ມີສະຫາຍ ນາງ ຈັນມະນີ ນາມວົງ ກຳມະການພັກແຂວງ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ, ມີຄະນະພັກ, ທິມງານຂັ້ນແຂວງ, ຕະຫຼອດຮອດສະມາຊິກພັກພາຍໃນໜ່ວຍເຂົ້າຮ່ວມ  17 ສະຫາຍ, ຍິງ 8 ສະຫາຍ.

     ໃນກອງປະຊຸມພາຍຫຼັງຄະນະຈັດຕັ້ງໄດ້ກ່າວຈຸດປະສົງ ພ້ອມທັງຜ່ານ ມະຕິຕົກລົງຂອງຄະນະປະຈຳພັກແຂວງ ສະບັບເລກທີ 1715/ຄພຂ ຜົ້ງສາລີ, ລົງວັນທີ 28 ກໍລະກົດ 2020, ວ່າດ້ວຍການດຳເນີນກອງປະຊຸມໃຫຍ່ຄັ້ງທີ VII ຂອງໜ່ວຍພັກຄະນະໂຄສະນາອົບຮົມແຂວງ. ຈາກນັ້ນສະຫາຍ ນາງ ຈັນມະນີ ນາມວົງ ກຳມະການພັກແຂວງ ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ກໍ່ໄດ້ຂຶ້ນຜ່ານບົດລາຍງານການເມືອງທັງສອງພາກ ເຊິ່ງໃນຕະຫຼອດໄລຍະຜ່ານມາ ໜ່ວຍພັກຮາກຖານຄະນະໂຄສະນາອົບຮົມແຂວງ ໄດ້ເອົາໃຈໃສ່ຈັດຕັ້ງເຊື່ອມຊື່ມບັນດາແນວທາງນະໂຍ ບາຍ, ມະຕິ, ຄຳສັ່ງ, ກົດລະບຽບຂອງພັກ ແລະ ລະບຽບກົດໝາຍຂອງລັດ ໃຫ້ບັນດາສະມາຊິກພັກ, ພະນັກງານລັດຖະກອນ ຢ່າງເປັນເຈົ້າການດ້ວຍຫຼາຍວິທີ, ຫຼາຍຮູບການ ເພື່ອໃຫ້ສະມາຊິກພັກ, ພະນັກງານ - ລັດຖະກອນ ມີຄວາມຮັບ ຮູ້, ເຂົ້າໃຈ ຕໍ່ບັນດາແນວທາງນະໂຍບາຍ, ມະຕິ, ຄຳສັ່ງຂອງພັກ ແລະ ກົດໝາຍຂອງລັດ ໃນແຕ່ລະໄລຍະ ແລະ ຫັນເອົາເນື້ອໃນດັ່ງກ່າວໄປຜັນຂະຫຍາຍ ເຂົ້າໃນໜ້າທີ່ວຽກງານຂອງແຕ່ລະຂົງເຂດ ເພື່ອນຳໄປຈັດຕັ້ງປະຕິບັດດ້ວຍຄວາມຮັບຜິດຊອບສູງ, ເຊິ່ງຜ່ານການຈັດຕັ້ງປະຕິບັດໄດ້ເຮັດໃຫ້ສະມາຊິກພັກ, ພະນັກງານ - ລັດຖະກອນ ກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດ ມີຄວາມອຸ່ນອ່ຽນທຸ່ນທ່ຽງເຊື່ອໜັ້ນຕໍ່ການນຳພາ ແລະ ອຸດົມ ການຂອງພັກ ມີທັດສະນະຫຼັກໝັ້ນ, ຈຳແຍກໄດ້ມິດ ແລະ ສັດຕູໄດ້ຢ່າງຈະແຈ້ງ, ຖືເອົາການປັບປຸງກໍ່ສ້າງພັກເປັນບັນຫາສຳຄັນ ດ້ວຍການນຳພາດຳເນີນຮ່ວມຊີວິດພັກຢ່າງເປັນປົກກະຕິ ເພືອສຳຫຼວດກວດກາ, ຕຳນິຕິຊົມກໍ່ສ້າງຊ່ວຍ ເຫຼືອເຊິ່ງກັນ ແລະ ກັນ ຕາມ 5 ຫຼັກການ 3 ທິດນໍາຂອງພັກໄດ້ກຳນົດໄວ້, ໄດ້ເອົາໃຈໃສ່ຊຸກຍູ້ ແລະ ກໍ່ສ້າງມະຫາຊົນຜູ້ທີ່ມີຜົນງານດີເດັ່ນ ມີມາດຖານເງື່ອນໄຂຄົບຖ້ວນ ເຂົ້າໃນອົງການຈັດຕັ້ງພັກ ເຮັດໃຫ້ໜ່ວຍພັກຄະນະໂຄສະນາອົບຮົມແຂວງ ມີການຂະຫຍາຍຕົວທາງດ້ານປະລິມານ ແລະ ຄູນນະພາບ ເຊິ່ງມາຮອດປະຈຸບັນມີສະມາຊິກພັກທັງໝົດ 15 ສະຫາຍ, ຍິງ  8  ສະຫາຍ. ​

      ຜ່ານການກໍ່ສ້າງ ແລະ ປະເມີນໃນ 4 ປີ ( 2015-2018 ) ຜ່ານມາກໍ່ໄດ້ຖືກຮັບຮອງເປັນໜ່ວຍພັກເຂັ້ມແຂງ - ຮູ້ນຳພາຮອບດ້ານ 4 ປີຕໍ່ເນື່ອງ. ພ້ອມທັງຜ່ານບົດສຳຫຼວດການນຳພາລວມ ຂອງຄະນະໜ່ວຍພັກຊຸດທີ VI ໄລຍະ 5 ປີ ກ່ວາຜ່ານມາ  ໂດຍໄດ້ຕິລາຄາດ້ານດີຜົນສຳເລັດ ແລະ ວິທີການແກ້ໄຂຈຸດອ່ອນ ຂໍ້ຄົງຄ້າງ ໃນການຊີ້ນຳ - ນຳພາຂອງຄະນະໜ່ວຍພັກແຕ່ລະດ້ານ, ພ້ອມດຽວກັນນີ້ຄະນະພັກຊຸດເກົ່າ ກໍ່ໄດ້ຂຶ້ນລາໜ້າທີ່. ຈາກນັ້ນ ສະ​ຫາຍ ເພັງ ເຈັ່ນ​ຕະ​ພູມ ຮອງ​ຫົວ​ໜ້າ​ຄະ​ນະ​ຈັດ​ຕັ້ງ​ແຂວງ ກໍໄດ້ຂຶ້ນ​ຜ່ານ​ມາດ​ຖານ​ເງື່ອນ​ໄຂ​ຂອງ​ຜູ້​ສະ​ມັກ​ຮັບ​ເລືອກ​ຕັ້ງ​ເປັນ​ຄະ​ນະ​ໜ່ວຍ​ພັກ​ຊຸດ​ໃໝ່ ເຊິ່ງຕ້ອງ​ມີ​ຄຸນ​ທາດ​ການ​ເມືອງ​ໜັກ​ແໜ້ນ, ຄຸນ​ສົມ​ບັດ​ສິນ​ທຳ​ປະ​ຕິ​ວັດ, ມີ​ແບບ​ແຜນ​ດຳ​ລົງ​ຊີ​ວິດ​ທີ່​ປອດ​ໃສ​ຂາວ​ສະ​ອາດ ແລະ ມີ​ສຸ​ຂະ​ພາບ​ແຂງ​ແຮງ, ຖືກ​ຕາມ​ມາດ​ຖານ​ເງື່ອນ​ໄຂ​ທີ່​ວາງ​ໄວ້. ຈາກນັ້​ນ​ບັນ​ດາ​ສະ​ຫາຍ​ສະ​ມາ​ຊິກ​ພັກກໍ່​ໄດ້​ໃຊ້​ສິດ​ປະ​ຊາ​ທິ​ປະ​ໄຕ​ຂອງ​ຕົນ​ປ່ອນ​ບັດເອົາ​ຄະ​ນະ​ພັກ​ຊຸດ​ໃໝ່​ຕາມ​ລຳ​ດັບ. ມີຜູ້ສະມັກ 5 ສະຫາຍ ເລືອກເອົາ 3 ສະຫາຍ. ໃນນີ້ໄດ້ເປັນເອກະສັນເລືອກເອົາ ສະຫາຍ ນາງ ຈັນມະນີ ນາມວົງ ເປັນເລຂາໜ່ວຍພັກຊຸດໃໝ່, ສະຫາຍ ເພັງ ສຸລິເປົາ ເປັນຮອງເລຂາໜ່ວຍພັກ, ສະຫາຍ ບຸນສຸລີ ໂລມາ ເປັນກຳມະການໜ່ວຍພັກ, ພ້ອມທັງໄດ້ເລືອກເອົາປະທານ, ຮອງປະທານກວດກາໜ່ວຍພັກ, ໃນນີ້: ເລືອກເອົາສະຫາຍ ບຸນສຸລິ ໂລມາ ເປັນປະທານກວດກາພັກ, ສະຫາຍ ສົມຕູ້ຍ ສຸວັນນະຄຳ ເປັນຮອງປະທານກວດກາພັກ, ພ້ອມທັງເລືອກເອົາຄະນະຜູ້ແທນສົມບຸນໄປເຂົ້າ ຮ່ວມກອງປະຊຸມໃຫຍ່ ອົງຄະນະພັກແຂວງ ຜົ້ງສາລີ ຕື່ມອີກ.

       ຕອນ​ທ້າຍ​ສະ​ຫາຍ ບົວທອງ ອຸແສງຄຳ ຮອງເລຂາພັກແຂວງ, ປະທານສະພາປະຊາຊົນແຂວງ,  ກໍ່​ໄດ້​ໂອ້​ລົມ​ຕໍ່​ກອງ​ປະ​ຊຸມ ເຊິ່ງ​ກ່ອນ​ອື່ນ​ສະ​ຫາຍ ​ໄດ້​ກ່​າວສະ​ແດງຄວາມ​ຍ້ອງ​ຍໍ​ຊົມ​ເຊີຍ​ຕໍ່​ກັບຜົນງານທີ່​ຄະ​ນະ​ພັກ​ຊຸດ​ເກົ່າ​ຍາດ​ມາ​ໄດ້​ໃນ​ຕະ​ຫຼອດ​ໄລ​ຍະ 5 ປີ​ຜ່ານ​ມາ ແລະ ​ສະ​ຫາຍຍັງ​ໄດ້​ຮຽກ​ຮ້ອງ​ຕື່ມ​ບາງ​ບັນ​ຫາໃຫ້​ຄະ​ນະ​ພັກ​ຊຸດ​ໃໝ່ ຈົ່ງ​ເພີ່ມ​ທະ​ວີ​ສຶກ​ສາ​ອົບ​ຮົມ​ການ​ເມືອງ​ນຳ​ພາ​-ແນວ​ຄິດ​ ໃຫ້​ສະ​ມາ​ຊິກ​ພັກ​ພາຍ​ໃນ​ໜ່ວຍ​ໃຫ້​ຮັບ​ຮູ້​ເຂົ້າ​ໃຈ, ຄົ້ນ​ຄວ້າຊອກ​ຮູ້​ຮ່ຳຮຽນ​ບັນ​ດາ​ແນວ​ທາງ, ມະ​ຕິ, ຄຳ​ສັ່ງ, ກົດ​ລະ​ບຽບຂອງ​ພັກ, ລັດ​ຖະ​ທຳ​ມະ​ນູນ ແລະ ກົດ​ໝາຍ​ຂອ