ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ຄະນະໂຄສະນາອົບຮົມແຂວງ ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 72 ປີ ແລະ ຄວາມເປັນມາຂອງອາຊຽນ

ຄະນະໂຄສະນາອົບຮົມແຂວງຜົ້ງສາລີ

ປາຖະກະຖາວັນສ້າງຕັ້ງກອງທັບປະຊາຊົນລາວ ຄົບຮອບ 72 ປີ ແລະ ຄວາມເປັນມາຂອງອາຊຽນ 

      ໃນ​ຕອນ​ເຊົ້າ​ຂອງວັນ​ທີ 18 ມັງກອນ 2021 ນີ້​ ທາງ​ຄະ​ນະ​ໂຄ​ສະ​ນາ​ອົມ​ຮົມ​ແຂວງ​ຜົ້ງ​ສາ​ລີ ໄດ້​ຈັດ​ໃຫ້​ມີ​ພິ​ທີ​ປາ​ຖະ​ກະ​ຖາເລົ່າ​ມູນ​ເຊື້ອ 2 ເອກະສານ ຄື: ວັນສ້າງຕັ້ງກອງທັບປະຊາຊົນລາວ  ຄົບຮອບ 72 ປີ

( 20 ມັງກອນ 1949 – 20 ມັງກອນ 2021 ), ປະຫວັດຄວາມເປັນມາຂອງອາຊຽນ ຂຶ້ນຢ່າງເປັນທາງການ ນະ​ທີ່ຫ້ອງປະຊຸມ​ຊັ້ນ 5 ຫ້ອງວ່າການແຂວງຫຼັງໃໝ່ ທີ່ເມືອງບຸນເໜືອ, ແຂວງ​ຜົ້ງ​ສາ​ລີ ໂດຍພາຍ​ໃຕ້​ການ​ເປັນ​ປະ​ທານ ​ຂອງທ່ານ ບຸນສຸລີ ໂລມາ ຮອງຫົວໜ້າຄະນະໂຄສະນາອົບຮົມແຂວງ. ການ​ປາ​ຖະ​ກະ​ຖາ​ໃນ​ຄັ້ງ​ນີ້ມີຫົວ​ໜ້າ​ພະ​ແນກ, ຮອງ​ພະ​ແນກ, ພະ​ນັກ​ງານ​ສະ​ມາ​ຊິກ​ພັກ, ພະ​ນັກ​ງານ​ລັດ​ຖະ​ກອນ​, ອຳ​ນວຍ​ການ​ໂຮງ​ຮຽນ, ໂຮງ​ໝໍ ແລະ ລັດ​ວິ​ສາ​ຫະ​ກິດ​ຈາກ​ອ້ອມ​ຂ້າງ​ແຂວງ​ເຂົ້າ​ຮ່ວມ​ຮັບ​ຟັງ​ທັງ​ໝົດຈຳ​ນວນ 102 ສະຫາຍ, ຍິງ 53 ສະຫາຍ, ສະມາຊິກພັກ 81 ສະຫາຍ, ຍິງ 42 ສະຫາຍ.

    ໃນພິທີ, ທ່ານ ບຸນສຸລີ ໂລມາ ຮອງຫົວໜ້າຄະນະໂຄສະນາອົບຮົມແຂວງ ໄດ້​ໃຫ້ກຽດຂຶ້ນຜ່ານປະຫວັດຄວາມເປັນມາຂອງວັນສ້າງຕັ້ງກອງທັບປະຊາຊົນລາວໃນ​ຕະຫຼອດ​ໄລ​ຍະ 72 ປີ (20 ມັງກອນ 1949-20 ມັງກອນ 2021) ໂດຍຫຍໍ້. ເຊິ່ງໃນນັ້ນທ່ານໄດ້ຍົກໃຫ້ເຫັນປະຫວັດແຫ່ງການກໍາເນີດ ແລະ ເຕີບໃຫຍ່ຂະຫຍາຍຕົວຂອງກອງທັບປະະຊາຊົນລາວໃນແຕ່ລະໄລຍະ, ພ້ອມນັ້ນທ່ານຍັງໄດ້ເວົ້າເຖິງທາດແທ້ ແລະ ມູນເຊືື້ອອັນສະຫງ່າອົງອາດຂອງກອງທັບປະຊາຊົນລາວຄື: ກອງທັບປະຊາຊົນລາວແມ່ນເລີ່ມຈາກກອງກໍາລັງປະກອບອາວຸດຂອງປະຊາຊົນບັນດາເຜົ່າ, ທາດແທ້ຂອງປະຊາຊົນລາວແມ່ນກອງທັບປະຊາຊົນທີ່ຕໍ່ສູ້ເພື່ອປົດປ່ອຍປະຊາຊົນ ອອກຈາກການກົດຂີ່ຂຸດຮິດຂອງສັກດິນນາ ແລະ ຕ່າງຊາດ, ຕໍ່ສູ້ເພື່ອນໍາເອົາເອກະລາດອໍານາດອະທິປະໄຕມາໃຫ້ແກ່ປະຊາຊົນ ເຊິ່ງພາຍໃຕ້ການຊີ້ນໍາຂອງພັກປະຊາຊົນປະຕິວັດລາວເຊິ່ງເປັນຜູ້ກໍ່ຕັ້ງສຶກສາອົບຮົມ ແລະ ຝຶກຝົນຫຼໍ່ຫຼອມໃຫ້ເປັນນັກຮົບທີ່ມີທັດສະນະຫຼັກໝັ້ນ, ມີຄວາມຈົ່ງຮັກພັກດີ, ມີຄວາມຊື່ສັດບໍລິສຸດ ແລະ ມີແບບແຜນທີ່ເຂັ້ມງວດສົມວ່າເປັນກໍາລັງແກ່ນສານຂອງປະຊາຊົນ, ຂອງຊົນຊັ້ນຜູ້ອອກແຮງງານ ແລະ ເປັນເຄື່ອງມືອັນແຫຼມຄົມຂອງພັກຕະຫຼອດມາ. ເຊິ່ງທັງໝົດດັ່ງກ່າວນັ້ນແມ່ນຜົນງານ ແລະ ຄຸນງາມຄວາມດີຂອງກອງທັບປະຊາຊົນລາວພາຍໃຕ້ການນໍາພາຂອງພັກປະຊາຊົນປະຕິວັດລາວຈຶ່ງມີກົມກອງ ແລະ ບຸກຄົນທີ່ໄດ້ກາຍເປັນວິລະ ຊົນ, ເປັນນັກຮົບແຂ່ງຂັນຄື: ວິລະຊົນແຫ່ງຊາດມີ 59 ສະຫາຍ, ນັກຮົບແຂງຂັນມີ 341 ສະຫາຍ, ກົມກອງວິລະຊົນມີຫຼາຍກົມກອງ. ນອກຈາກນີ້ຍັງມີແຂວງ, ເມືອງ, ຕາແສງ ແລະ ບ້ານວິລະຊົນຄື: ຊຽງຂວາງ, ຫົວພັນ, ຜົງສາລີ, ຄໍາມ່ວນ ແລະ ເຊກອງ. ພ້ອມນັ້ນທ່ານຍັງໄດ້ເໜັ້ນໜັກໃຫ້ບັນດານາຍ ແລະ ພົນທະຫານແຕ່ລະສະຫາຍສຶບຕໍ່ເອົາໃຈໃສ່ສຶກສາອົບຮົມມູນເຊື້ອ, ທາດແທ້ປະຕິວັດ ແລະ ທາດແທ້ປະຊາຊົນຂອງກອງທັບປະຊາຊົນລາວໃຫ້ເລິກເຊິ່ງ ແລະ ໜັັກແໜ້ນ, ເປັນກໍາລັງທີ່ຈົ່ງຮັກພັກດີ ແລະ ເຄື່ອນໄຫວຢູ່ພາຍໃຕ້ການນໍາພາເດັດຂາດໂດຍກົງ ແລະ ຮອບດ້ານ, ຕັ້ງໜ້າສືກສາອົບຮົມປຸກລະດົມທົ່ວພັກ ທົ່ວລັດ ແລະ ທົ່ວປວງຊົນເຮົາເຂົ້າຮ່ວມວຽກງານການກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານໃຫ້ເປັນຂະບວນການກວ້າງຂວາງ ແລະ ແຂງແຮງກວ່າເກົ່າ, ເອົາໃຈໃສ່ພັດທະ ນາເສດຖະກິດ-ສັງຄົມ ຕິດແໜ້ນກັບການສ້າງທ່າສະໝາມປ້ອງກັນຊາດທົ່ວປວງຊົນ, ສຸມໃສ່ການແກ້ ໄຂຄວາມທຸກຍາກຂອງປະຊາຊົນໃຫ້ເປັນຈິງ, ຕັ້ງໜ້າປັບປຸງກໍ່ສ້າງກໍາລັງຫຼວງ ໃຫ້ມີກໍາລັງແຮງສູ້ຮົບ, ເປັນຫຼັກແຫຼງ ແລະ ສາມາດຕອບຕ້ານ, ແກ້ໄຂສະ ພາບການທີ່ເກີດຂື້ນໄດ້ຢ່າງມີປະສິດທິພາບ, ເພີ່ມທະວີການປັບປຸງກໍ່ສ້າງກໍາລັງທ້ອງຖິ່ນ ແລະ ຮາກຖານໃຫ້ສາມາດເປັນກໍາລັງຈັ້ງທ່າ, ຊ່ວຍໜູນ ແລະ ແກ້ໄຂສະພາບການປັບປຸງກໍ່ສ້າງກໍາລັງທ້ອງຖິ່ນຕົນ ປົກປັກຮັກສາລະບອບປະຊາທິປະໄຕປະຊາຊົນໄວ້ຢ່າງໝັ້ນຄົງ.

      ໃນໂອກາດດຽວກັນ ທ່ານ ນ. ວັນເຮືອງ ສໍດາລາ ຮອງຫົວໜ້າຄະນະໂຄສະນາອົບຮົມແຂວງ ກໍຍັງໄດ້ຂຶ້ນຜ່ານເອກະສານ ປະຫວັດຄວາມເປັນມາຂອງອາຊຽນນຳອີກ.

ຂ່າວໃໝ່

ສາຍພົວພັນລາວ-ຫວຽດນາມ

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ຈຳນວນຄົນອອນໄລ໌ທ

ມີ 2  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

115104
ມື້ນີ້ມື້ນີ້17
ມື້ວານນີ້ມື້ວານນີ້97
ອາທິດນີ້ອາທິດນີ້462
ເດືອນນີ້ເດືອນນີ້3092
ທັງໝົດທັງໝົດ115104

ບົດຄວາມທີ່ໄດ້ຮັບຄວາມສົນໃຈ

ກິດຈະກຳ