ຄະນະໂຄສະນາອົບຮົມແຂວງຜົ້ງສາລີ ຈັດຕັ້ງເຜີຍແຜ່ເຊື່ອມຊຶມບັນດາເອກະສານກ່ອນການປະເມີນເນື້ອໃນຂໍ້ແຂ່ງຂັນ 5 ເປັນເຈົ້າວຽກງານກໍາມະບານ ແລະ ເອກະສານກ່ຽວກັບການປະເມີນວຽກງານພະນັກງານ ປະຈຳປີ 2021

ສ້າງຂື້ນເມື່ອ ວັນຈັນ, 25 ຕຸລາ 2021 03:05
ຂຽນໂດຍ ຂະແໜງປາຖະກະຖາ

ຄະນະໂຄສະນາອົບຮົມແຂວງຜົ້ງສາລີ ຈັດຕັ້ງເຜີຍແຜ່ເຊື່ອມຊຶມບັນດາເອກະສານກ່ອນການປະເມີນ

ເນື້ອໃນຂໍ້ແຂ່ງຂັນ 5 ເປັນເຈົ້າວຽກງານກໍາມະບານ ແລະ ເອກະສານກ່ຽວກັບການປະເມີນວຽກງານພະນັກງານ ປະຈຳປີ 2021

        ໃນຕອນບ່າຍຂອງວັນທີ 18 ຕຸລາ 2021 ທີ່ຜ່ານມານີ້ ຢູ່ທີ່ຫ້ອງປະຊຸມຂອງຄະນະໂຄສະນາອົບຮົມແຂວງຜົ້ງສາລີ ໄດ້ຈັດໃຫ້ຕັ້ງເຜີຍແຜ່ເຊື່ອມຊຶມບັນດາເອກະສານກ່ອນການປະເມີນເນື້ອໃນຂໍ້ແຂ່ງຂັນ 5 ເປັນເຈົ້າ ວຽກງານກໍາມະບານ ແລະ ເອກະ ສານກ່ຽວກັບ

ການປະເມີນວຽກງານພະນັກງານ ປະຈຳປີ 2021 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ນ. ຈັນມະນີ ນາມວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ; ມີ ທ່ານ ບຸນສຸລີ ໂລມາ ປະທານກໍາມະບານຮາກຖານ, ຮອງຫົວໜ້າຄະນະໂຄສະນາອົບຮົມແຂວງ, ມີສະມາຊິກກຳມະບານ, ສະມາຊິກພັກ, ພະ ນັກງານ-ລັດຖະກອນ ພາຍໃນຄະນະໂຄສະນາອົບຮົມແຂວງເຂົ້າຮ່ວມຈຳນວນ 17 ສະຫາຍ, ຍິງ 8 ສະຫາຍ.

      ໃນພິທີ ທ່ານ ບຸນສຸລີ ໂລມາ ປະທານກໍາມະບານຮາກຖານ, ຮອງຫົວໜ້າຄະນະໂຄສະນາອົບຮົມແຂວງ ໄດ້ຂຶ້ນເຜີຍແຜ່ ແຈ້ງການແນະນໍາ ຂອງສະຫະພັນກຳມະບານແຂວງຜົ້ງສາລີ, ສະບັບເລກທີ 429/ກບຂ.ຜລ, ລົງວັນທີ 07 ກໍລະກົດ 2021, ເລື່ອງການຈັດຕັ້ງການເປີດບັ້ນຂໍ້ແຂ່ງຂັນ 5 ເປັນເຈົ້າ ແລະ ການຄັດເລືອກຕົວເດັ່ນ ຂອງກົມກອງ, ສະມາຊິກກໍາມະບານ 5 ເປັນເຈົ້າປະຈໍາປີ 2021, ຄູ່ມືແນະນຳການຈັດຕັ້ງປະຕິບັດເນື້ອໃນຂໍ້ແຂ່ງຂັນ 5 ເປັນເຈົ້າຂອງສະຫະພັນກຳມະບານລາວ, ກົດລະບຽບຂອງສະຫະພັນກຳມະບານລາວສະໄໝທີ X, ກົດລະບຽບວ່າດ້ວຍກອງທຶນຊ່ວຍເຫຼືອເຊິ່ງກັນ ແລະ ກັນຂອງສະຫະພັນກຳມະບານແຂວງ ແລະ ເມືອງ (ສະບັບປັບປຸງ) 2021. ໃນພິທີ ທ່ານ ບຸນສຸລີ ໂລມາ ຮອງຫົວໜ້າຄະນະໂຄສະນາອົບຮົມແຂວງ ຍັງໄດ້ເຜີຍແຜ່ແຈ້ງການ ຂອງພະແນກພາຍໃນແຂວງຜົ້ງສາລີ, ສະບັບເລກທີ 49/ພນຂ, ລົງວັນທີ 08 ກັນຍາ 2021, ເລື່ອງການຈັດຕັ້ງປະຕິບັດການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ, ຄູ່ມືແນະນຳການຈັດຕັ້ງປະຕິບັດ ການປະເມີນຜົນການປະຕິບັດວຽກງານຂອງພະນັກງານ-ລັດຖະກອນ ແລະ ດຳລັດ 300/ລບ, ວ່າດ້ວຍການປະເມີນຜົນການຈັດຕັ້ງປະຕິບັດວຽກງານຂອງພະນັກງານ-ລັດຖະກອນ. ທ່ານໄດ້ຍົກໃຫ້ເຫັນກ່ຽວກັບພະນັກງານ-ລັດຖະກອນແມ່ນພົນລະ ເມືອງລາວຜູ້ຖືກຮັບ, ບັນຈຸໃຫ້ເຮັດວຽກ, ເລືອກຕັ້ງ ຫຼື ແຕ່ງຕັ້ງໃຫ້ດຳລົງຕຳແໜ່ງໃດໜຶ່ງໃນອົງການຈັດຕັ້ງພັກ, ລັດ, ແນວລາວສ້າງຊາດ ແລະອົງການຈັດຕັ້ງມະຫາຊົນຂັ້ນສູນກາງ ແລະທ້ອງຖິ່ນ ຫຼືໄປປະຈຳການເປັນຜູ້ຕາງໜ້າສາທາລະນະລັດ ປະຊາທິປະໄຕ ປະຊາຊົນລາວ ຢູ່ຕ່າງປະເທດ ແລະອົງການຈັດຕັ້ງສາກົນ ຊຶ່ງໄດ້ຮັບເງິນເດືອນ ແລະເງິນອຸດໜູນຈາກງົບປະມານແຫ່ງລັດ.

      ໃນຕອນທ້າຍຂອງພິທີ ທ່ານ ນ. ຈັນມະນີ ນາມວົງ ກໍາມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບ ຮົມແຂວງ ກໍໄດ້ມີຄຳເຫັນເນັ້ນໜັກບາງອັນກໍຄື: ສະຫະພັນກຳມະບານແມ່ນອົງການທີ່ເປັນຕົວແທນແຫ່ງສິດຜົນປະໂຫຍດອັນຊອບທຳຂອງຊົນຊັ້ນກຳມະກອນ ແລະຊາວຜູ້ອອກແຮງານລາວບັນດາເຜົ່າ; ເວົ້າລວມ, ເວົ້າສະເພາະ ກໍຄືພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງ ຈົ່ງເອົາໃຈໃສ່ປະຕິບັດໜ້າທີ່ຄວາມຮັບຜິດຊອບ ທີ່ໄດ້ຮັບມອບໝາຍຈາກຂັ້ນເທິງ ແນໃສ່ຮັບປະກັນການປະຕິບັດແນວທາງຂອງພັກ, ນະໂຍບາຍຂອງລັດແຕ່ລະໄລຍະ, ມີຄວາມເປັນເອກະພາບ, ໂປ່ງໃສ, ຍຸຕິທໍາ ປະກອບສ່ວນເຂົ້າໃນພາລະກິດປົກປັກຮັກສາ ແລະ ພັດທະນາປະເທດຊາດ.