ຊົມເຊີຍວັນສ້າງຕັ້ງຄະນະໂຄສະນາອົບຮົມຜົ້ງສາລີ                                                                                                ຂ່ ຳ ນັບຮັບຕ້ອນກອງປະຊຸມໃຫຍ່ຄັ້ງທີ XI ຂອງອົງຄະນະພັກແຂວງຜົ້ງສາລີຢ່າງສຸດໃຈ !

ເຈົ້າແຂວງຜົ້ງສາລີ ພົບປະໂອ້ລົມນັກສຶກສາແຂວງຜົ້ງສາລີ ຢູ່ ສມປຊ

ເຈົ້າແຂວງຜົ້ງສາລີ ພົບປະໂອ້ລົມນັກສຶກສາແຂວງຜົ້ງສາລີ ຢູ່ ສມປຊ
ໃນທ້າຍອາທິດຜ່ານມານີ້, ທີ່ສະຖາບັນການເມືອງ-ການປົກຄອງແຫ່ງຊາດ (ສມປຊ), ທ່ານ ຄຳຜອຍ ວັນນະສານ ກຳມະການສູນກາງພັກ, ເລຂາພັກແຂວງ ເຈົ້າແຂວງຜົ້ງສາລີ ໄດ້ຢ້ຽມຢາມ ແລະ ພົບປະໂອ້ລົມຕໍ່ນັກສຶກສາທິດສະດີການເມືອງ-ການປົກຄອງ

ຈາກແຂວງຜົ້ງສາລີ ທີ່ກຳລັງສຶກສາຢູ່ ສມປຊ ໃນວາລະເຄື່ອນໄຫວໄດ້ຮັບການຕ້ອນຮັບຈາກຄະນະນຳ ແລະ ນັກສຶກສາຢ່າງອົບອຸ່ນ ພ້ອມທັງລາຍງານກ່ຽວກັບສະພາບລວມການເຄື່ອນໄຫວ, ການສຶກສາຄົ້ນຄວ້າຮໍ່າຮຽນຂອງນັກສຶກສາແຂວງຜົ້ງສາລີໃນໄລຍະຜ່າຍມາ.

ໃນໂອກາດນີ້, ທ່ານ ເຈົ້າແຂວງ ກໍໄດ້ຍ້ອງຍໍຊົມເຊີຍ ຕໍ່ນັກສຶກສາທີ່ໄດ້ມີຄວາມຕັ້ງໃຈສຶກສາຮໍ່າຮຽນ ແລະ ມີຄວາມຊ່ວຍເຫຼື່ອຮັກແພງເຊິ່ງກັນ ແລະ ກັນ, ພ້ອມກັນນັ້ນ ທ່ານເຈົ້າແຂວງ ຍັງໄດ້ເນັ້ນໃຫ້ນັກສຶກສາສືບຕໍ່ເອົາໃຈໃສ່ຕັ້ງໜ້າຄົ້ນຄວ້າຮ່ຳຮຽນ, ກໍາໃຫ້ແໜ້ນຢ່າງຈະແຈ້ງ, ແທດເຖິງຕໍ່ຫຼັກມູນ ທິດສະດີມາກ-ເລນິນ, ແນວຄິດປະທານ ໄກສອນ ພົມວິຫານ, ມູນເຊື້ອການປະຕິວັດ, ການຊີ້ນໍານໍາພາຂອງພັກ, ບັນດາແນວທາງ, ແຜນນະໂຍບາຍຂອງລັດ, ເພື່ອໃຫ້ສາມາດນໍາໃຊ້, ໝູນໃຊ້ເຂົ້າໃນການປະຕິບັດໜ້າທີ່ການເມືອງຂອງຕົນ ສືບຕໍ່ສ້າງ ແລະ ບູລະນະລະບອບປະຊາທິປະໄຕ ປະຊາຊົນ ເຮັດໃຫ້ປະເທດຊາດມັງຄັ່ງເຂັ້ມແຂງ, ປະຊາຊົນຮັ່ງມີຜາສຸກ, ສັງຄົມຍຸຕິທຳ ແລະ ສິວິໄລ. ໃນເວລາຄົ້ນຄ້ວາຮ່ຳຮຽນບົດຮຽນໃດ ຕ້ອງເອົາໃຈໃສ່ຄຳນຶງທິດສະດີ ສົມທຽບການຈັດຕັ້ງປະຕິບັດຕົວຈິງ ໃນຄວາມຮັບຜິດຊອບຕົວຈິງຢູ່ອົງການຂອງຕົນ ອັນໃດຄວນເສີມຂະຫຍາຍ ແລະ ອັນໃດຄວນປັບປຸງປ່ຽນແປງ, ພ້ອມນັ້ນ ໃຫ້ມີຄວາມພະຍາຍາມຮຽນຮູ້ພາສາຕ່າງປະເທດ ເພື່ອເຮັດແນວໃດ ໃຫ້ສາມາດຕອບສະໜອງໄດ້ຕໍ່ຄວາມຮຽກຮ້ອງ ຕ້ອງການຂອງໜ້າທີ່ການເມືອງໃນແຕ່ລະໄລຍະ, ພ້ອມນັ້ນກໍສືບຕໍ່ຮັກສາມູນເຊື້ອຄວາມສາມັກຄີ, ຮັກແພງ, ຊ່ວຍເຫຼືອເຊິ່ງກັນ ແລະ ກັນ ນັບທັງໝູ່ເພື່ອນທ້ອງຖິ່ນ, ສູນກາງອື່ນ, ສືບຕໍ່ເຄົາລົບ ແລະ ນັບຖືບັນດາຄູອາຈານ, ເປັນແບບຢ່າງປະຕິບັດກົດລະບຽບຂອງສະຖາບັນຢ່າງຄົບຖ້ວນ ແລະ ເຂັ້ມງວດ.
ໃນໂອກາດທີ່ທ່ານ ເຈົ້າແຂວງ ໄດ້ພົບປະໂອ້ລົມຕໍ່ນັກສຶກສາແຂວງຜົ້ງສາລີ ຢູ່ ສມປຊ ຄັ້ງນີ້ ຍັງໄດ້ນຳເອົາເງິນສົດຈຳນວນ 10 ລ້ານກີບ ມອບເປັນກອງທຶນໃຫ້ກັບນັກສຶກສາແຂວງຜົ້ງສາລີ ໃຊ້ຈ່າຍໃນເວລາທີ່ມີກໍລະນີທີ່ຈຳເປັນອີກດ້ວຍ.

ຂ່າວໃໝ່

ພິທີພົບປະແລກປ່ຽນບົດຮຽນລະຫວ່າງຄະນະໂຄສະນາອົບຮົມແຂວງຜົ້ງສາລີ ກັບຄະນະໂຄສະນາສຶກສາແຂວງດຽນບ່ຽນ

ເຊື່ອມຕໍ່ເວບໄຊ້ທ

ເລກໂທ ສຸກເສີນ

ແຈ້ງໄຟໄໝ້:   1190
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

ສະຖິຕິຜູ້ເຂົ້າຊົມ:

237125
ມື້ນີ້ມື້ນີ້64
ມື້ວານນີ້ມື້ວານນີ້304
ອາທິດນີ້ອາທິດນີ້1739
ເດືອນນີ້ເດືອນນີ້7999
ທັງໝົດທັງໝົດ237125

ກິດຈະກຳ